வீர ! - வீரனாகிய இலக்குவனே! மெல் என் பளிங்கினால்
விளங்குகின்ற- மெல்லிய பளிங்குக் கற்களினால் ஒளிர்கின்றனவும்;
மாரனும்  மருளச்  செய்த மாளிகை - மன்மதனும் மயங்குமாறு
அமைந்துள்ளனவுமான     மாளிகைகள்;   மற்று   ஓர்  சோதி 
சேர்தலும்  தெரிவ - வேறு   ஓர்   ஒளி  (தம்மீது) பட்டவுடன் 
கண்ணுக்குத்      தெரிவனவாயும்;    அன்றேல்   தெரிகில -
ஒளிபடாவிடில், கண்ணுக்குத் தெரியாதனவுமாயும்; தெரிந்த காட்சி
- விளங்குகின்ற   காட்சியானது;   நீரினால்  இயன்ற என்ன -
நீரினால் அமைந்தவை   (இவை)  என்னுமாறு; நிழல்  எழுகின்ற 
நீர்மை நீ பாராய்- ஒளிதோன்றுகின்ற தன்மையை நீ பார்ப்பாயாக.
 

தனக்கென்று  ஒரு  தனி  நிறமில்லாது, ஆன்மாவைப் போலச்
சார்ந்ததன் வண்ணம் ஆவது நீர்க்கு இயல்பு. பம்பையின் நீரினைப்
பளிங்குக்கு முன்னும் (3710) உவமிப்பார். 
 

(16)
 

கோல்நிறக் குனிவில் செங்கைக் குமரனே! - அம்பினையும்
ஒளியினையும்   உடைய   வளைந்த   வில்லினை  ஏந்திய சிவந்த
கரங்களையுடைய குமாரனே! குளிர் வெண் திங்கள் கால் நிறக்
கதிரின் கற்றை -  குளிர்ந்த  வெள்ளைச்   சந்திரன்  உமிழ்கின்ற
வெள்ளை நிறக் கதிர்களின் தொகுதிகள்;தெற்றிய அனைய காட்சி
- இடை விட்டுவிட்டுப் பின்னியது போன்ற தோற்றம் கொண்ட;வால்
நிறத் தரளப் பந்தரர் நடுவண்  வைத்த  மரகதம் - வெண்ணிற
முடைய  முத்துப்  பந்தலின்  நடுவே  வைக்கப்  பெற்றுள்ள மரகத
மணிகளின் தொகுதி; பால் நிறப் பரவை வைகும்- வெள்ளை நிறப்