நலிந்த   நங்கை  எழிலால் - (இராமன் பிரிவால்) வருந்தி
மெலிந்துள்ள  சீதையின்   அழகால்,  நாளும்  வலி  மெலிந்த
தோள்கள்-  நாளுக்கு நாள்  வலிமை  தளர்ந்த,  (இராவணன்)
புயங்கள்;   போர்   எனலோடும்  -   போர்  (வந்து விட்டது)
என்றவுடனே; இனிது பொலிந்தது ஆம்- மகிழ்ச்சியால் மேலும்
உயர்ந்து விளங்கியன ஆயின; வடமேருவின் மேலும்- வடக்குத்
திசைக்கண்  உள்ள மேருமலையின் மேலும்; வலிந்து செல்ல -
வலியப் போர்க்குச்   செல்ல;  மிசை  செல்லும் மனத்தான் -
உந்துகின்ற உள்ளத்திண்மையுடையவன் ஆனான் அவன்.
 

பொலிதல்-முன்னிலும் மேம்பட்டு விளங்குதல். இராமனுக்காக
அந்நங்கை  மெலிந்தாள்;  அந்நங்கைக்காக  இவன்  மெலிந்தான்
என்பது ஒரு நயம். 
 

(2)
 

செம்பொன் மௌலி - செம்பொன்னால்  ஆன கலசங்கள்,
(அக்கோபுரத்தில்);   சிகரங்கள்   தயங்க  -  மேருமலையின்
சிகரங்களைப் போல் ஒளிர, அம்பொன் மேருவரை கோபுரம்
ஆக- அழகிய    பொன்னாலான   மேருமலையாக   அந்தக்
கோபுரங்கள் விளங்க; வெம்பு காலினை - (தன்னோடு) சினந்த
அந்தக் காற்றுக் கடவுளை; விழுங்கிட - வெல்வதற்காக; மேல்
நாள்- முன்பு ஒரு நாள்; உம்பர் மீதில் நிமிர் - (மேருவின்)
உச்சியின்  மீது   நிமிர்ந்து   (வளைத்துக்  கொண்ட); வாசுகி
ஒத்தான் - வாசுகி   எனும்   பாம்பினைப்  போன்று நின்றான்
(இராவணன்.)
 

வாசுகியைப் பாம்பென்னும் ஒற்றுமை பற்றி, ஆதிசேடனாகவும்
கூறுவர். உபசார வழக்கு. கால்-காற்று. உம்பர் - மேல். 
 

(3)