கடல்  கடைகையில்  தேவமாதர்  பலர்  எழுந்தனர் என்பது
முன் (940)  கூறப்பட்டது. ஐஞ்ஞூற்று  ஏழ் இரண்டினில்  இரண்டு
500x7x2x2  =  14,000.  பயின்றோர் (எண்ணிக்கை) அமைந்தோர் 
எனினுமாம். வீழியின்கனி-சிவப்பு நிறமுடைய ஒருகனிவகை. 
 

முழை  படிந்த பிறை- குகையிற் படிந்துள்ள பிறை நிலாப்
போன்று;  முள் எயிறு(இராவணன்  உதடுகளின்  இருமருங்கும்)
கோரைப்பற்கள்; ஒள்வாள் - ஒள்ளிய ஒளியை; இழை படிந்த-
அணிகளில்   படிந்துள்ள;  இளவெண்  நிலவுஈன-  மெல்லிய
வெள்ளைக்கற்றைகளோடு வீசவும்; குழை படிந்தது ஒருகுன்றில்
-  குண்டலங்களை   அணிந்த    ஒரு   மலையிலே; முழங்கா
மழைபடிந்தனைய  - முழங்குதல்  செய்யாத  மேகம்  படிந்தாற்
போன்று; தொங்கல் வயங்க- நீல மணி மாலைகள் (தோள்களில்)
ஒளி வீசவும்...
 

இராவணன் கோரைப் பற்கள் இதழ்களின் இருமருங்கும் மேல்
நோக்கி வளைந்து பிறை போன்று விளங்கின என்பதாம். குண்டலம் 
அணிந்த   மலை  -  இல்பொருள்  உவமை  மலை மேல் மேகம்
படிந்திருப்பது   போன்று,   இராவணன்   தோள்மேல்   நீலமணி
மாலைகள் கிடந்தன என்பதாம். 
 

(8)
 

நாத   வீணை   இசை  நாரதனார் தம் - இனிய  நாதம்
எழுப்பவல்ல வீணையுடைய நாரதமாமுனிவர்  தம்முடைய; வேத
கீத  அமுது-  சாம  வேதத்தின்  இசையெனும்  அமுதத்தை
(இசைக்க); அள்ளி விழுங்க- அள்ளி  அள்ளி  (செவிவாயால்)
விழுங்கியும்; நூல்கள் ஓத - (அறிஞர்கள்) (உயர்ந்த)  நூல்களை
ஓத(க்கேட்டும்); செவியின் வழி- (இவை யாவும்) உள்ளத்துள்ளே
நுழையாமல் செவி வழியாகவே (சென்று கொண்டிருக்க); உள்ளம்
சீதை சீதையென்று- இராவணனது உள்ளமோ சீதை சீதை என்று