(இராமபிரானை) நிமிர் கண்கொடு கண்டான் - (ஆணவம்)
ஓங்கிய தன் விழிகளால் பார்த்தான்.
|
இராவணன், இராமபிரானை முதன்முதலாகச் சந்திக்கும்
சந்திப்பு ஆதலால், ஆர்வம் குமிழியிட, "ஆரணத்தை, அரியை,
மறை தேடும் காரணத்தை" என அடுக்குகின்றார் கவிஞர் பிரான்.
இராமபிரானை, வீடணன் சந்தித்த போதும், இவ்வாறே உவகை
மிகக்கூர்வார். (6493-98) ஆதலின் "நிமிர் கண் கொடு கண்டான்"
என்றார், கொடு-கொண்டு என்பதன் விகாரம். கண்டான் எனவே
போதுமாயினும் 'கண்கொடு' என்றது அவன் கண் பெற்ற
பேற்றினைச் சுட்டியதாம்.
|
(17)
|
6877. | மடித்த வாயினன்; வழங்கு எரி வந்து |
| பொடித்து இழிந்த விழியன்; அதுபோழ்தின், |
| இடித்த வன் திசை; எரிந்தது நெஞ்சம்; |
| துடித்த, கண்ணினொடு இடத் திரள் தோள்கள். |
| |
மடித்த வாயினன்- (இராமபிரானைக். கண்ட இராவணன்
எழுந்த வெகுளியால்) உதட்டைக் கடித்த வாயினன் ஆனான்;
வயங்கு எரி வந்து - ஒளிர்கின்ற சினத்தீ தோன்றி; பொடித்து
இழிந்த விழியன் - சிறுசிறு பொறிகளாய் விழுகின்ற
கண்களையுடையவன் ஆனான்; அது போழ்து- அப்பொழுது;
வன்திசை இடித்த- வலிய திசைகளில் அவன் சின ஆவேசத்தால்
இடி போன்ற ஒலி உண்டாயிற்று; நெஞ்சம் எரிந்தது- (சினத்தால்)
அவன் உள்ளம் பற்றி எரிந்தது; கண்ணினோடு - அவன்
கண்களோடு சேர்ந்து; இடத்திரள் தோள்கள்- இடப்பக்கத்தே
திரண்ட அவன் பத்துத் தோள்களும்; துடித்த - துடித்தன.
|
துடித்த -அன்சாரியை பெறாத பலவின்வினை. வாய் மடித்தல்-
உதடு கடித்தல். சினத்தின் மெய்ப்பாடு. "மடித்த பில வாய்கள்
தொறும் வந்து புகை முந்த" (3115) சினத்தால் அவன் கண்கள்
உலைக்களமாகி, தீப்பொறிகள் சிந்தின என்று அவன் வெகுளியின்
உச்சம் விளம்பினார்.
|
(18)
|
6878. | ஆக, ராகவனை அவ்வழி கண்டான்; |
| மாக ராக நிறை வாள் ஒளியோனை |
| ஏக ராசியினின் எய்த எதிர்க்கும் |
| வேக ராகு என, வெம்பி வெகுண்டான். |