"மேதினியை முதுகு நொய்தெனச் செய்தவன்" என்று ததிமுகன்
பெருமை சாற்றினார். 
 

அண்ணல்! - பெருமைக்குரியோனே! கேள்-  கேட்பாயாக
(என்று); காட்டி -  (அவ்வானரச் சேனையினைக்) காண்பித்து;
இவர்க்கு - இந்த வானர  வீரர்கட்கு;  உவமையும் அளவும்-
ஒப்பும்    எண்ணிக்கையும்;    ஒன்று   உளதோ?- ஏதேனும்
உண்டோ?  விண்ணின்  மீனினைக் குணிப்பினும்- வானத்து
மீன்களை   எண்ணினாலும்;   வேலையுள்  மீனை  எண்ணி
நோக்கினும்- கடலில் உள்ள மீன்களை எண்ணிப் பார்த்தாலும்;
இக்கடல் மணலினை எல்லாம் கண்ணி நோக்கினும்- இந்தக்
கடலில்  உள்ள மணலை எல்லாம் கருதிப் பார்த்தாலும்; கணக்கு
இ(ல்)லை- கணக்கிட இயலாது என்றனன்.
  

சேனையினை    எண்ண   இயலாது என்பதற்கு   வானத்து
மீன்களையும்,  கடல்   மீன்களையும் ஆழி மணலையும் எண்ண
இயலாதது போல் என மூன்று உவமைகள் காட்டினார். 
 

(34)
 

இராவணன் வானரப் படையை இகழ்தல்