அமைக்கப்பட்ட  இருப்பிடத்தினுடைய;  புறத்தைச்   சுற்றி -
வெளிப்புறத்தைச் சுற்றி;ஐயிரண்டாய  கோடி   பேய்க்கணம்
காப்ப ஆக்கி - பத்துக்கோடிப் பேய்க்கூட்டங்களைக் காவல்
புரியச்   செய்து;    செய்வன முறையின் எண்ணி - (பின்பு)
செய்யவேண்டுவனவற்றை முறைப்படி சிந்தித்து; திறம்  திறம்
முறையில்    தேரும்  -  அவ்வவற்றை முறைப்படி தேர்ந்து
செயல்பட;  மையறு  மரபின் வந்த அமைச்சரை- குற்றமற்ற
தொல் மரபில் வந்த தனது அமைச்சர்களை; வருக என்றான்-
அங்கு 'வருக' என்று பணியாளர்களை ஏவினான்.
 

பளிங்கின் ஒளி ஊடுருவும் தூய தன்மையால் அது பதித்துக்
கட்டப்பட்ட   இடம்    வெற்றிடம்  போன்று தோன்றுமாதலின்
"பொய் எனப் பளிங்கின் ஆய இருக்கை" என்றார்.
 

அளந்து  அறிவு அரியர் ஆய அமைச்சரை- அளந்து
அறிவினைக்  கணிக்க  இயலாத அமைச்சர் கூட்டத்தை;அடங்க
நோக்கி - முழுவதும்  (அளந்து) நோக்கி;வாயில்கள் தோறும்
வந்து  குரங்கின் சேனை வளைந்தது- கோட்டை வாயில்கள்
தோறும்  வானர சேனை வந்து வளைந்து நிற்கிறது;பெரும்போர்
விளைந்தது என்ன   விட்டது  - பெரிய யுத்தம் விளைந்தது
என்னுமாறு (நிகழ்ந்து) விட்டது;நம்மை விடாது - இனி   போர்
நம்மை விடாது;உளைந்தனம்- (நாம்)  மனம்  நொந்துள்ளோம்;
என்ன எண்ணி - (இனி) யாம் யாது  நினைந்து; என் செயற்கு
உரிய? என்றான் - என்ன செய்ய உள்ளோம் என்றான்.
 

அரியர் என்பதன் விகுதியைப் பிரித்துக்கூட்டி, அளத்தற்கரிய
அறிவினையுடைய    அறிஞர்கள்   ஆகிய அமைச்சர்கள் எனப்
பொருள்