:: TVU ::

588

யுத்த காண்டம்

	இளைப்ப அருந் தலைவர், முன்னம் ஏவலின்,
	எயிலை முற்றும்
	வளைத்தனர், விடிய, தத்தம் வாயில்கள்தோறும்
	வந்து.

விடிய - பொழுது விடியும் போது; அளப்ப அரும் தூளி சுண்ணம்- அளவிட முடியாத புழுதித் தூசுகள்;ஆசைகள் அலைக்க - திசைகளை மோத; உளைப்புறும் ஓதவேலை- ஒலிக்கின்ற நீர்ப்பெருக்கினைக் கொண்ட கடலின்;ஓங்கு அலை நடுங்க- ஓங்குகின்ற அலை ஓசை அடங்குமாறு (அத்தூசுகள்) தூர்ப்ப - (கடலைத்) தூர்தது மேபிக்க; பூசல் இளைப்ப அருந்தலைவர் - போரிடுதற்கு இளையாத வானரப் படைத்தலைவர்கள்;முன்னம் ஏவலின்-முன்பு ஏவிய ஆணையின் வண்ணம்; தத்தம் வாயில்கள் தோறும்- அவரவர்க்குரிய இலங்கைக் கோட்டை வாயில் தோறும்; வந்து வளைத்தனர் - வந்து வளைத்துக் கொண்டனர்.
(25)
6971.	தந்திரம் இலங்கை மூதூர் மதிலினைத் தழுவித்
	தாவி,
	அந்தரக் குல மீன் சிந்த, அண்டமும் கிழிய ஆர்ப்ப,
	செந் தனிச் சுடரோன் சேயும் தம்பியும் முன்பு செல்ல,
	இந்திரன் தொழுது வாழ்த்த, இராமனும் எழுந்து
	சென்றான்.

தந்திரம் - வானரப் படையானது; இலங்கை மூதூர்- இலங்கையாகிய தொல் நகரின்; மதிலினைத் தழுவி தாவி - மதிலினை நெருங்கிப் பாய்ந்தவாறு: அந்தரக் குலமீன் சிந்த - வானத்து நட்சத்திரங்கள் மண்ணில் விழுமாறு;அண்டமும் கிழிய- அண்ட கோளம் கிழிந்து விடுமாறும்;ஆர்ப்ப- ஆரவார முழக்கம் இட; தனிச்செஞ்சுடரோன் சேயும்- ஒப்பற்ற சிவந்த கிரணங்களையுடைய கதிரவன் புதல்வனாகிய சுக்கிரீவனும்; தம்பியும்- இலக்குவனும்;முன்பு செல்ல- முன்னே செல்ல; இந்திரன் தொழுது வாழ்த்த- (வானில்) இந்திரன் வணங்கி வாழ்த்தா நிற்க;இராமனும் எழுந்து சென்றான் - இராமபிரானும் (போர்க்களத்தை நோக்கி) எழுந்து வந்தான்.