பாட்டியாக்கை- பாட்டியாகிய தாடகையின் உடலை; பருந்து
உ(ண்)ணப்   படுத்தநாள்  -  பருந்துகள் தின்னும்படி கொன்ற
நாளிலும்;   மருந்தினும்   இனிய   மாமன்  மடிந்த நாள் -
அமிழ்தினும் இனியவனான  தன்  மாமன்    சுபாகு (வீரரோடும்)
இறந்து பட்ட நாளிலும்; வனத்துள் வைகி இருந்துழி - காட்டில்
(பஞ்ச வடியில்) வாழ்ந்த காலத்தில்; வந்த நங்கை- அங்கு  வந்த
சூர்ப்பணகையின்; இருஞ்செவி முலையும்   மூக்கும் -  பெரிய
காதுகளையும்     மார்புகளையும்    மூக்கையும்;   அரிந்துழி-
(இலக்குவன்)  அரிந்து    போட்ட    நாளிலும்; வந்திலாதான் -
போருக்கு வாராதவன்; இனிச் செய்யும் ஆண்மை உண்டோ?-
இப்போது போரிட வந்து வீரம் காட்டுவது உண்டோ? (இல்லை)
 

பாட்டி-தாடகை.    மாமன்-சுபாகு.   தாடகையின்    மகன்,
மாரீசனின் சகோதரன். துயர்க்காலத்தே மருந்து  போன்று  வந்து
தாயுடன் பிறந்த மாமன் உதவுவது     இந்நாட்டுப் பண்பாதலால்,
"மருந்தினும் இனிய மாமன்" என்றான்.
  

(32)
 

கேடு    இலா உயிர்கட்கு எல்லாம்- அழிவற்ற உலகத்து
உயிர்களாகியவெல்லாம்    (அழிப்பதற்கு); களை என- இவர்கள்
களையாக    உள்ளனர்    என்று; தம்பிமாரைக் கிளையொடும்
படைஞரோடும்- (கரன் முதலிய) தம்பியரைச்   சுற்றத்தாரோடும்;
சேனை வீரர்களோடும்; வேரொடும் களையக்   கண்டும்- அடி
முதலோடு அழித்துவிட்டதை அறிந்திருந்தும்; இளையவன் பிரிய-
(நேரே வந்து போரிடும் துணிச்சலின்றி) என்னைவிட்டு