இளையவன்   பிரியுமாறு;  மாயம் இயற்றி - வஞ்சனைச் செயல்
புரிந்து,  (அவன் அகன்ற சமயத்தில்); ஆயிழையை வௌவும் -
சீதா   தேவியைக்  கவர்ந்து வந்த, வளை எயிற்று அரக்கன் -
வளைந்த     கோரப்    பற்களையுடைய    அந்த   இராவணன்,
வெம்போர்க்கு -   கொடிய  யுத்தத்திற்கு, இனி எதிர் வருவது
உண்டோ?- இனி மேல் எதிர்த்துச் சண்டையிட வருவது ஏது?
 

ஏந்திழை தன்னைக் கண்ணுற்று- (அனுமன்) சீதா தேவியைச்
சந்தித்து; எதிர்ந்தவர்தம்மை எற்றி- அப்போது தன்னை எதிர்த்த
(அத்தனை) வீரர்களையும் தாக்கி ஒழித்து;   புதல்வன்  தன்னை-
அட்சய குமாரனை; சாந்து என-(குழைத்த) சாந்து போல் ஆகுமாறு;
தரையிடைத் தேய்த்து- மண்ணில்  இட்டுத்   தேய்த்து; தானும்
காணவே- தன் கண் முன்பே; தன்ஊர்-தனது இலங்கை மாநகரை;
காந்து எரி மடுத்து- எரியும்  நெருப்பிற்கு  இரையாக்கி; கடலைத்
தாவிப் போந்த பின்-கடலைத் தாண்டி வந்து அடைந்த பின்னரும்;
வந்திலாதான்-  (போருக்கு)   வந்தடையாத   இராவணன்;  இனிப்
பொரும் போரும்உண்டோ? - இனி   மேல் செய்யப் போகின்ற
போரும் உண்டோ?
 

சந்தனக்   குழம்பு    போல்    தரையில்  தேய்க்கப்பட்டவன்
இராவணன் மகனான, அக்ககுமாரன். (5705)
 

(34)