உயிரைக்  கவரும்; கூற்று எனத் தோற்று - எமன் என்று  தோல்வியுற்று;
நின்  ஏவல்  தன்  தலையில்  சூடும்  -  உனது  கட்டளையைத் தன்
தலைமேல் தாங்கிச் செய்வான்;  என்றால்  இனி  பிறிது ஏற்றம் என் -
இனி இதை விடவும் வேறு பெருமை என்ன இருக்கிறது?
 

(24)
 

வெள்ளி  அம்கிரியினை -  பனியால்  வெண்மை   நிறத்தை
உடைய அழகிய   கைலாய   மலையை;   விடையின் பாகனோடு
அள்ளி - அம்மலையில்  வாழும்  காளை   வாகனத்தை   உடைய
சிவபெருமானுடன் அள்ளி;விண் தொட   எடுத்து -   விண்ணைத்
தொடும்படி  தூக்கி  நிறுத்தி;ஆர்த்த  ஆற்றலாய் -  ஆர்ப்பரித்த
ஆற்றல்    மிக்கவனே;   சுள்ளியில் இருந்து  உறை - மரத்தின்
சுள்ளிகளிலே   வசிக்கும்;  குரங்கின்  தோள்  வலிக்கு  -  ஒரு
குரங்கின் தோளாற்றலுக்கு;  நின்புயத்தை  எம்மொடும்  -  உனது
தோள் வலிமையை  எங்களது    ஆற்றலுடன்  சேர்த்து;  எள்ளுதி
போலும் - இகழ்ந்து பேசுவாய் போலும்.
 

வெள்ளியங்கிரி  - கைலாயமலை. அள்ளுதல் - கையில் எடுத்தல்.
இருந்து   உறை - தங்கி வாழும். 'எள்ளுதி போலும்' என்ற இடத்தில்
'போல்'  என்பது உரையசை. ஒப்பில் போலி என்பர்.
 

(25)
 

நாயக  -   எமது  தலைவனே!  மண்ணினும்   வானினும் -
மண்ணுலகிலும்,  விண்ணுலகிலும்;  மற்றும்  முற்றும்   -  மற்றும்
வேறுலகங்கள் முழுவதிலும்;நின் கண்ணினும்  நீங்கினார்  யாவர்
கண்டவர்- உனது கண்ணுக்குப் புலப்படாதிருப்பவரைக் கண்டவர்கள்
யார்? நண்ணரும் வலத்தினர் யாவர்?- அவ்வாறு கண்டவருள்ளும்
உன்னால் நெருங்கமுடியாத வலிமை உடையவர் யாருண்டு;எண்ணிலர்
- உன்னை மதித்து எண்ணிப்