பிடாமல் நீண்டகாலம் அரசாண்டு மனநிறைவடைந்த காரணத்தால் இராமனை
அரசனாக்கத் தசரதன்விரும்பினான் என்று குறிப்பிடுகின்றன.

     தான் முதுமையுற்றதைத் தசரதன் எவ்வாறு உணர்ந்தான் என
வான்மீகம் விதந்து கூறவில்லை; பல்லாயிரம்ஆண்டுகளாகத் தான்
அரசாண்டு களைத்துப் போனதாகத் தசரதன் கூறுகிறான்.  அத்யாத்மமும்
அறுபதாயிரம்ஆண்டுகள் அரசாண்டு அதனால் தசரதன் மிகவும்
களைத்துவிட்டதாகக் கூறுகிறது. இருபதினாயிரம் ஆண்டுகள்இந்நிலவுலகை
யாண்டு முதுமை யெய்தி விட்டதாக ரங்கநாத ராமாயணம் கூறுகிறது.
இவ்வாறு ஆண்டுகளின்எண்ணிக்கை கொண்டு நெடுங்காலம் சென்றமையால்
அரசன் முதுமை எய்தினான் என்னும் கருத்து வெளிப்படுத்தப்பட்டுள்ளது.

     தன் காதருகே தோன்றிய நரையின் மூலம் தான் மூப்புற்றமையைத்
தரசதன் அறிந்தான் என்றுஇரகுவம்சம் கூறுகிறது.  இதே கருத்தைத் துளசி
ராமாயணமும் கூறுகிறது. காளிதாசனைப்  பின் பற்றித் துளசிதாசர் இவ்வாறு
கூறி இருக்கலாம் என்று அறிஞர்கள் கருதுகின்றனர்.³