கலிவிருத்தம்

     என்று இவை கூறு - என்று இத்தகைய வார்த்தைகளைப் பேசி; அயா
உயிர்க்கின்றவன் - பெருமூச்சு விடுகின்றவனாகிய இராமபிரான்; ஏடு அவிழ்
கொன்றை- இதழ்கள் மலர்ந்த கொன்றை மரங்களை உடைய; ஆவிப்புறத்து
- பொய்கையின் கரையில் இருந்து; யான் பொன்ற - (கொன்றையை நோக்கி)
''சீதையின் பிரிவால் நான் அழிந்துபடுதலைக் கண்டும்; யாதும் புகல்கிலை
போலுமால் - ஒன்றும் ஆறுதலாகக் கூறாது இருக்கின்றாய் (ஆதலால்); வன்
தயாவிலி - வன்மைக் குணமுடைய அருளற்ற கொடியை''; என்ன
வருந்தினான் - என்று வருந்திப் பேசினான்.

     பிரிந்தவர்கள் கொன்றையை நோக்கி வருந்துதல் நூல்மரபு. 'கொன்றைக்
கொடியாய் கொணர்கின்றலையோ? என்றைக்கு உறவாக இருந்தனையோ?'
என்று பின்னரும் (4205) கொன்றவை நோக்கி இராமன் பேசுவதைக் காண்க. 32