சுக்கிரீவனோடு வாலி பகைமை கொண்ட காரணம்கூறுதல்

     அன்னவன் - அத்தகையோனாகிய வாலி; எமன் அரசன் ஆகவே-
எங்களுக்கு அரசனாக இருக்க; இன்னவன் - இச்சுக்கிரீவன்; இளம்பதம்
இயற்றும் நாள் - இளவரசுப் பதவியைத் தாங்கி ஆட்சி புரிந்த நாளில்; முன்
அவன் குலப் பகைஞன் - முன்னமே வாலியின் குலப்பகைவனாய்
உள்ளவனான; மின் எயிற்று வாள் அவுணன் - மின்னல் போன்று ஒளி
வீசும் பற்களை உடைய வாள் போன்ற கொடிய மாயாவி என்னும் அசுரன்;
வெம்மையான்- சினம் கொண்டவனாய் (வாலியை); முட்டினான் -
எதிர்த்தான்.

     மாயாவி: 'மயன் குமரன். துந்துபியின் சகோதரன்.  மந்தோதரி உடன்
பிறந்தவன்.  இவனேவாலியை யுத்தத்திற்கு அழைத்தவனாயிருக்கலாம்' - அபிதானசிந்தாமணி.                                           50