அறங்கள் நாறும் மேனியார் - தருமங்கள் தோன்றுதற்குரிய திரு
மேனியினராகிய இராமலக்குவர்; அரிக்கணங்களோடும் - வானரக்
கூட்டங்களோடு; அங்கு - அம்மலைச் சாரல் வழியில்; இறங்கு போதும்-
இறங்குகின்ற பொழுதும்; ஏறு போதும் -  ஏறுகின்ற பொழுதும்; ஈறு இலாத
ஓதையால் - எல்லையில்லாத ஓசையோடு; கறங்கு வார்கழல்கலன் -
ஒலிக்கும் இயல்புடைய நீண்ட வீரக்கழல்களாகிய அணிகள்; கலிப்ப -
ஒலித்ததால்; முந்து கண் முகிழ்த்து - முன்பு (அம்மலைகளில்) கண்மூடி;
உறங்கு மேகம் - உறங்கிக் கொண்டிருந்த மேகங்கள்; நன்கு உணர்ந்து -
நன்றாக விழித்தெழுந்து; மாக மீது உலாவுமே - வானில் எழுந்து
சஞ்சரிக்கும்.

     அறங்கள் நாறும் மேனியர் என்றது இராமலக்குவர்களை.  உலகில்
நல்லறங்களை நிலை நாட்ட அவதரித்தவர்களாதலின் 'அறங்கள் நாறும்
மேனியர்' எனப்பட்டனர்.  'அறத்தின் மூர்த்தி வந்து அவதரித்தான்' (1349);
'வேதமும் அறனும் சொல்லும் மெய்யற மூர்த்தி வில்லோன்'' (5882) என்பன
காண்க.  நாறுதல்; தோன்றுதல், விளங்குதல்.

     இவர்கள் ஏறியும் இறங்கியும், கழலணிகள் ஒலிக்க நடந்து வருதலால்
மலைச் சாரல்களில் படிந்து கிடந்த மேகங்கள் சிதறின என்பதை மேகம்
உறக்கம் விழித்து வானில் உலவியதாகக் கூறுவது தற்குறிப்பேற்ற அணி.
கறங்குதல், கலித்தல் என்பன ஒலித்தல் எனும் பொருளன.           3