வானரங்கள் வெருவி - குரங்குகள் இவ்வாறு அஞ்சி; மலை ஒரீஇ -
அந்தக் கிட்கிந்தை மலையை விட்டு நீங்கி; கான் ஒருங்கு படர - காடுகளில்
ஒன்றாகச் சென்று சேர்ந்து விட்டதால்; அக் கார் வரை - மேகங்கள் சூழ்ந்த
அந்தக் கிட்கிந்தை மலையானது; மீன் நெருங்கிய வானகம் - நட்சத்திரங்கள்
நிறைந்த வானம்; மீன் எலாம் போனபின் - அந் நடசத்திரங்கள் எல்லாம்
நீங்கிய பின்பு; பொலிவு அற்றது - பொலிவு இழந்த தன்மையை;
போன்றது- ஒத்திருந்தது.

     கார் வரை - பெரிய மலை என்றும் பொருள் உரைக்கலாம்.  கிட்கிந்தை
மலை நட்சத்திரங்கள் நீங்கப் பெற்ற வானத்தைப் போலப் பொலிவற்றிருந்தது.
- உவமையணி.                                                40