இலக்குவனைச் சுக்கிரீவன் எதிர்கொள்ளல்

     நிறைந்த சீரான் - மிகுந்த நற்பண்புகளைக் கொண்ட சுக்கிரீவன்;
என்று கொண்டு இயம்பி - மதுவை இனித் தொடேன் என்று சூளுரை செய்து
கொண்டு; அண்ணற்கு எதிர்கொளற்கு - இலக்குவனை எதிர் கொள்வதற்கு;
இயைந்த எல்லாம் - உரிய எல்லாவற்றையும்; நன்று கொண்டு - சிறப்பாக
எடுத்துக் கொண்டு; இன்னும் நீயே நணுகு - இப்போதும் நீயே (அவனிடம்)
செல்வாய்; எனஅவனை ஏவி - என்று அங்கதனுக்குக் கட்டளையிட்டு; தன்
துணைத் தேவிமாரும் - தன் வாழ்க்கைத் துணைவியரான மனைவியர்;
தமரொடும் தழுவ - உறவினருடன் தன்னைச் சூழ்ந்திருக்க; தானும் - தானும்;
நெடிய வாயில் கடைத்தலை - உயர்ந்த பெரிய அரண்மனையின்
தலைவாயிலில்; நின்றனன் - காத்திருந்தான்.

     அண்ணலை எதிர்கொள்ள இயைந்தவை: கொடி, குடை, சாமரம்
முதலியன.  அண்ணற்கு வேற்றுமை மயக்கம் அரசனுக்குப் பட்டத்தரசியர்
தவிர வேறு மனைவியரும் உண்டாகலின் 'துணைத் தேவிமார்' எனப்பட்டது.
                                                           98