சூடகத் தொடிக் கை மாதர் - சூடகத்தையும் தொடியையும் அணிந்த
கைகளையுடைய வானரப பெண்கள்; சுண்ணமும் தூசும் வீசி - நறுமணப்
பொடிகளையும் ஆடைகளையும் வீசிக் கொண்டு; கண் அகல் கவரிக்
கற்றை- விசாலமான வெண்சாமரைத் தொகுதிகளால்; கால் உற -
காற்றையுண்டாக்கவும்; கலைவெண்திங்கள் - பதினாறு கலைகளும்
நிரம்பிய வெண்ணிறமான சந்திரன்; விண் உற வளர்ந்தது என்ன -
வானத்தில் பொருந்தி விளங்குவது போல; வெண்குடை விளங்க -
வெண்கொற்றக் குடை விளங்கவும்; வீர வண்ண வில் கரத்தான் முன்னர் -
வீரம் நிறைந்த அழகிய வில்லைப் பிடித்த கையையுடைய இலக்குவன் எதிரில்;
கவிக் குலத்து அரசன் - வானரத் தலைவனான சுக்கிரீவன்; வந்தான் -
வந்தான்.

     சுண்ணமும் தூசும் வீசுதல் மகிழ்ச்சியைத் தெரிவிக்கும் என்பது. சூடகம்,
தொடி - கைவளையின் வகைகள். சூடகம் - முன்கைவளை. தொடி -
தோள்வளை; தோள்வளை இருபாலாரும் அணிவது.  குடையும் சாமரமும்
அரச சின்னங்களாம்.                                           102