அக்கயன் எனும் பெயரன் - அக்கயன் என்னும் பெயரையுடைய
வீரனும்; வேறு ஒரு மாநிலம் - (தாம் தங்குவதற்க இந்த நிலவுலகம்
போதாமையால்) வேறொரு அகன்ற பூமி; வேண்டும் என்று - வேண்டும்
என்று; இளைத்து இரங்க முளைத்த - வருந்தி மனம் இரங்கும்படி
தோன்றினவும்; முப்பதினாயிர கோடியின் - முப்பதினாயிரங் கோடி என்ற
தொகை கொண்டு; முற்றும் விளைத்த - உலகமெங்கும் பரவி யனவுமான;
வெம் சினத்து அரி இனம் - கடுமையான கோபமுடைய சிங்கக்
கூட்டங்களும்; வெருவுற விழிக்கும் - அஞ்சுமாறு நோக்குகின்ற;
அளக்கரோடும் - வானர சேனைக் கடலோடும்; வந்து அடைந்தான் -
வந்து சேர்ந்தான்.

     ஒவ்வொன்றும் மிகவும் பருத்திருப்பதால் அக்கயனது முப்பதினாயிரங்
கோடிச் சேனை தங்குவதற்கு இந்த உலகம் போதாதென்பது கருத்து.
அளக்கர்: கடல். சேனைக்கு உவமையாகுபெயர்.                     11