வானரப் படையின் பெருக்கம்

     எட்டுத் திக்கையும் - எட்டுத் திசைகளையும்; இரு நிலப்
பரப்பையும்- பெரிய பூமியின் விரிந்த இடம் முழுவதையும்; இமையோர்
வட்டவிண்ணையும் - தேவர்கள் வாழ்கின்ற வட்டவடிவமான மேலுலகத்
தையும்; மறிகடல் அனைத்தையும் - அலைகள் வீசும் ஏழு கடல்களையும்;
மறைய- மறையும்படி; தொட்டு மேல் எழுந்து ஓங்கிய - தரையிலிருந்து
மெலெழுந்து பரந்த; தூளியின் - (படைகளின்) புழுதியால்; இவ் அண்டம் -
இந்த அண்ட கோளமானது; பூழி அட்டிச் செம்மிய - புழுதியை இட்டு
மூடிய; நிறை குடம் ஒத்தது - நிறை குடத்தை ஒத்திருந்தது.

     புழுதியால் நிறைந்த நிறைகுடத்தைத் தூளியால் நிரம்பிய அண்ட
கோளத்திற்கு உவமையாக்கினார்.

     தன்மைத் தற்குறிப்பேற்றவுவமையணி.                        32