துன்புற்ற வானரர் பிலத்தில் புகுதல்

     (வானர வீரர்)ஒதுங்கலாம் நிழல் இறை காண்கிலாது - (வெயிலுக்கு)
ஒதுங்கக் கூடிய சிறிதளவு நிழலைக்கூடக் காணமாட்டாது; உயிர் பிதுங்கல்
ஆம் உடலினர் - உயிர் வெளியேறக் கூடிய உடலையுடையவர்களும்; முடிவு
இல் பீழையார் - எல்லையற்றதுன்பத்தையடைந்தவர்களும்; பதங்கள்
நீர்ப்பருகிடப் பதைக்கின்றார் - அடிகளில் (அப் பாலைவனத்தின்) சூடு
தாக்குவதால் துடிதுடிக்கின்றவர்களுமாய்; பல விதங்களால் - (அந்த
வெப்பத்திலிருந்து தப்புவதற்குப்) பல வகையிலும் முயற்சி செய்து முடிவாக;
நெடும் பில வழியில் - (அங்கே இருந்த) பெரிய பிலத் துவாரத்தின் வழியை;
மேவினார் - அடைந்தார்கள்.

     வானரவீரர்கள் அந்தப் பாலைவனத்தில் ஒதுங்கித் தப்புவதற்குச் சிறு
நிழல் கூட அகப்படாமல் உயிர் நீங்கும் நிலையையடைந்து, முடிவாக அங்கே
காணப்பட்ட ஒரு பிலத்தின் வழியைச் சேர்ந்தனர் என்பது. பீழை: துன்பம்
பிதுங்கல்: வெளிப்படல்.                                        25