சம்பாதி தன் வரலாறு உரைத்தல் | 4677. | 'உன்னை நீ உள்ளவாறு
உரைப்பின், உற்றதைப்
பின்னை யான் நிரப்புதல்
பிழைப்பு இன்றாகுமால்'
என்ன, மாருதி எதிர்,
எருவை வேந்தனும்,
தன்னை ஆம் தன்மையைச்
சாற்றல் மேவினான்; |
(அது கேட்டு)மாருதி - அனுமன்; உன்னை நீ உள்ளவாறு
உரைப்பின் - உன்னைப் பற்றி நீ உள்ளபடியே கூறினால்; பின்னை - பிறகு;
யான் உற்றதை நிரப்புதல் - நான் நடந்த வரலாற்றை விரிவாகக் கூறுவது;
பிழைப்பு இன்றாகும் - தவறு இல்லாததாகும்; என்ன - என்று (சம்பாதியை
நோக்கிக்) கூற; எதிர் - எதிரே நின்ற அனுமனிடம்; எருவை வேந்தனும் -
கழுகரசனான சம்பாதியும்; தன்னை ஆம் தன்மையை - தன்னைப பற்றிய
வரலாற்றை; சாற்றல் மேயினான் - சொல்லத் தொடங்கினான். ஆல் : ஈற்றசை. பிழைப்பு - தவறு. முதலடி முற்றுமோனையாகவுள்ளது. 30 |