| 4913. | அஞ்சுவணத்தின் ஆடை உடுத்தாள்; அரவு எல்லாம்
அஞ்சு உவணத்தின்வேகம் மிகுத்தாள் அருள்
இல்லாள்
அம் சுவணத்தின்உத்தரியத்தாள் அலையாரும்
அம்சு வள்நத்தின் முத்து ஒளிர் ஆரத்து அணி
கொண்டாள்;+ |
அஞ்சு வணத்தின்- ஐந்துநிறங்களைப் பெற்ற; ஆடை உடுத்தாள்
-சேலையை அணிந்தவளும்; அரவு எல்லாம் அஞ்சும் - எல்லாப்
பாம்புகளும்பயப்படும்படியான; உவணத்தின் - கருடனைப் போல; வேகம்
மிகுத்தாள் -மிக்க வேகம் உடையவளும்; அருள் இல்லாள் -
கருணையற்றவளும்; அம் - அழகிய; சுவணத்தின் உத்தரியத்தாள் -
பொன் இழையால் அமையப்பெற்ற மேலாக்கையுடையவளும்; அம் - நீர் நிரம்பிய; சுவள் நத்தின் -அழகாக ஒளி பொருந்திய சங்கிற்பிறந்த; முத்து
ஒளிர் - முத்து விளங்கும்;ஆரத்து அணி கொண்டாள் - ஆரங்களால்
அழகு பெற்றவளும்.
சுவணத்தின் முத்து- சுவணதேய முத்து என்று வரத நஞ்சையப்பர்
கூறுவார் - சுவர்ண தேயம், இலங்கை போலும். (79) |