| 4929. | அன்னதேமுடிந்தது ஐய!
'அறம்வெல்லும் பாவம் தோற்கும்'
என்னும் ஈதுஇயம்ப வேண்டும்
தகையதோ ?இனி மற்று உன்னால்,
உன்னிய எல்லாம்முற்றும்,
உனக்கும்முற்றாதது உண்டோ ?
பொன்நகர் புகுதிஎன்னாப் புகழ்ந்து
அவள்இறைஞ்சிப் போனாள். |
ஐய - ஐயனே!;அன்னதே - பிரம்மனின் சொல்லே; முடிந்தது -
நிறைவேறியது; அறம் வெல்லும் பாவம் தோற்கும் - தர்மம் வெல்லும்
பாவம் தோல்வியடையும்; என்னும் ஈது - என்று பேசப்படும் சத்திய வசனம்;
இயம்ப - ஒருவர் மற்றவர் எடுத்துக் கூறுதலை; வேண்டும் தகையதோ -
அவாவி நிற்கும் எளிய நிலையிலிருப்பதா ?; இனி - இனிமேல்; உன்னால் -
உன்னாலே; உன்னிய எல்லாம் - நினைக்கப்படும் எல்லாச் செயல்களும்;
முற்றும் - நிறைவேறும்; உனக்கும் - உன்னாலேயும்; முற்றாதது - செய்ய
முடியாத செயல்; உண்டோ - உள்ளதா ?; பொன் நகர் புகுதி -
பொன்மயமான இலங்கைக்குள் புகுக; என்னா - என்று; புகழ்ந்தவள் -
அனுமனைப் புகழ்ந்த இலங்கைத் தேவி; இறைஞ்சிப் போனாள் - வணங்கிச்
சென்றாள். (95) |