| 4948. | ஏதிஅம்கொழுநர் தம்பால்
எய்தியகாத லாலே,
தாது இயங்குஅமளிச் சேக்கை,
உயிர்இலாஉடலின் சாய்வார்,
மாதுயர்க் காதல்தூண்ட,
வழியின்மேல் வைத்த கண்ணார்,
தூதியர் முறுவல்நோக்கி
உயிர்வந்துதுடிக்கின்றாரை- |
ஏதி அம்கொழுநர் தம்பால் - ஆயுதம் ஏந்தியகணவர்பால்; எய்தியகாதலால் - ஒன்றுபட்ட காமத்தாலே; (அவர்பிரிய) தாது இயங்கு -
மகரந்தப்பொடிகள், அசைகின்ற; அமளிச்சேக்கை - படுக்கையிடத்தில்;
உயிர் இலா -உயிர் அற்ற; உடலின் சாய்வார் - உடம்பைப் போல்
விழுந்து; மாதுயர் -மிக்க துன்பத்தை உண்டு பண்ணும்; காதல் தூண்ட -
காதலானதுஉந்துதலாலே; வழியின் மேல் வைத்த - (அவர் வரும்)
வழியிலே நிறுத்திவைத்த; கண்ணார் - கண்களையுடையவராய்;தூதியர்
முறுவல் நோக்கி - தூதாகச் சென்ற பெண்களின் புன்னகையைப் பார்த்து;
உயிர் வந்து - சென்ற உயிர் மீளவும் வரப் பெற்று; துடிக்கின்றாரை -
துடிக்கின்றவர்களையும்; ஏதி - ஆயுதம்,அமளி - படுக்கை; சேக்கை - இடம். (114) |