உற்றுநின்று -(வீடணனை)அணுகியிருந்து; அவன் உணர்வை -
அந்த வீடணனின் உணர்ச்சியை; தன் உணர்வினால் -  தன்னுடைய
ஆய்வுணர்வால்; உணர்ந்தான் - அறிந்து கொண்டு; இவன் - இங்கே
உறங்கும் இவன்; குற்றம் இல்லது - குற்றங்கள் இல்லாத; ஓர் குணத்தினன் - ஒப்பற்ற குணமுடையவன்; எனக் கொண்டான் - என்று தெரிந்து கொண்டு
(அதனால்); செற்றம் நீங்கிய - பகைமை விலகிய; மனத்தினன் -
உள்ளத்தைஉடைய அனுமன்; ஒருசிறைசென்றான் - வேறொரு வழியி்லே
போய்; பொற்றை மாடங்கள் கோடி - மலைகள் போன்ற மாடங்கள்
கோடியளவானவை; ஓர் நொடி இடை -  ஒருமுறை கைநொடிக்கும்
நேரத்துள்; புக்கான் - புகுந்து பார்த்தான்.

     ஒருத்தி தன்உணர்ச்சியைப் பிறவற்றில் செலுத்திப் பார்ப்பதை
வடநூலார்'ஸம்யக் ஞானம்' என்பர். (விவேகானந்தர் ராஜயோகம் யோக
சூத்திரம் விபூதிபாதம்). செற்றம் - நீங்காச் சினம் - 'இகலொடு செற்றம்
நீங்கிய மனத்தினர்'என்பர் நக்கீரர். பொற்றை - மலை. பொற்றைமாமுழைப்
புலாலுடைவாய்(ஆரண்ய. கரன் 135) நொடி கை நொடிக்கும் நேரம். ஒரு
மாத்திரை அளவு.குற்றெழுத்து உச்சரிக்கும் காலம்.                (137)