புகைபுகா வாயிலும்புகுவான் -புகை நுழையாத இடத்திலும் புகும்
அனுமன்; முக்கண் நோக்கினன் - மூன்று கண்ணாற் பார்க்கின்ற
இறைவனின்; முதல்மகன் - சிறப்புற்ற மகனான முருகப்பிரான்; அறுவகை
முகமும் - ஆறுவகையான முகங்களிலும்; திக்கு நோக்கிய புயங்களும்
(கரங்களும்)  - திசைகளை நோக்கிய பன்னிரு கரங்களிலும்; சில- சில
முகங்களையும் சில கரங்களையும்; கரந்தனையான் - ஒளித்துக் கொண்டாற்
போன்று தோன்றுபவனும்; ஒக்க நோக்கியர் - ஒரேபடித்தான அழகுடைய
மகளிர்களின்; குழாத்திடை - கூட்டத்தின் நடுவில்; உறங்கு கின்றானை -
 உறங்குபவனும் ஆகிய இந்திரஜித்தனை; புக்கு - அவன் அரண்மனைக்குள்
புகுந்து; நோக்கினன் - பார்த்தான்.

     ஒக்கநோக்கியர் - அவயவம் முழுதும் அழகிய பெண்கள் என்பது
பழையவுரை  (அடை -பதி)                                    (140)