| 5025. | இத்திறத்துஅரக்கி மார்கள்
ஈர்-இருகோடி ஈட்டம்
பத்தியர்உறையும் பத்திப்
படர்நெடுந்தெருவும் பார்த்தான்;
சித்தியர்உறையும் மாடத்
தெருவும்பின் னாகச் சென்றான்;
உத்திசை விஞ்சைமாதர்
உறையுளைமுறையின் உற்றான். |
(அனுமன்) இத்திறத்து -இப்படிப்பட்ட; ஈர் இரு கோடி ஈட்டம் - நான்கு
கோடிஎன்னும் தொகையுள்ள; அரக்கிமார்கள் - அரக்க மகளிர்; பத்தியர் -
(இராவணன்பால்) காதலுடையவராய்; உறையும் - தங்கியுள்ள; படர் - விரிந்த;
பத்தி - வரிசையான; நெடும் தெருவும் - நீண்ட தெருக்களையும்;
பார்த்தான்- (பிராட்டியைத் தேடிப்) பார்த்து விட்டு; சித்தியர் - சித்தர்குலப்
பெண்கள்; உறையும் - தங்கியிருக்கும்; மாடம் - மாடங்களைப்பெற்ற;
தெருவும் - தெருக்களும்; பின் ஆக - பிற்பட்டிருக்க; சென்றான் -
தேடிச்சென்று (பிறகு); உத்திசை - இடைப்பட்ட திசையில்; விஞ்சை மாதர் -
வித்தியாதர மகளிர்; உறையுளை - தங்கும் வீடுகளை; முறையின் உற்றான் -
முறைப்படி அடைந்தான். பத்தியர் -காதலுடையவராய் 'எரிசுடர்' என்னும் பாடல் முதல் 'தயிர்
நிறம்' என்னும் பாடல் ஈறாகப் பேசப்பட்டவர் அரக்கியர்கள். (191) |