சிலஇலக்கணங்களும் உள -  (இவள்பால்) சிலநல்லிலக்கணங்கள்
உள்ளன; என்னினும் - என்றாலும்; இவள் யாக்கை - இவளுடைய உடலின்
அடையாளம்; எல்லை சென்று உறுகில்லா -  முடிவைச் சென்று சேராத;
அலக்கண் - துன்பத்தை; எய்துவது - அடைவது; அணியது உண்டு -
சமீபத்தில் இருக்கிறது; என்று எடுத்து அறைகுவது - என்று
எடுத்துரைக்கின்றது (இவள்); மலர்க் கருங்குழல் - மலரணிந்த கரிய
கூந்தலானது; சோர்ந்து - அவிழ்ந்து; வாய் வெரீஇ - வாய்குழறி; சில
மாற்றங்கள் - சில சொற்களை; பறைகின்றாள் - கூறுகின்றாள்; இவள்
கணவனும் - இவளுடைய கணவனும்; இங்கு உலக்கும் - இங்கே இறப்பான்;
இ வியன் நகர்க்கு - இந்த பெரிய நகர்க்கு; அழிவும் - நாசமும்; உளது -
இருக்கிறது. என்றான் - என்று கருதினான்.

     பறைகின்றாள் -கூறுகின்றாள். ஏதம் பறைந்து அல்ல செய்து (திவ்ய
திருவாய் 4-6-8) யாக்கை என்றது யாக்கையின் அடையாளங்களை.  (202)