| 5049. | மென்தொழில் கலாப மஞ்ஞை
வேட்கைமீக்கூரு மேனும்
குன்று ஒழித்துஒருமாக் குன்றின்
அரிதின்சேர் கொள்கை போல
வன்தொழில்கொற்றப் பொன்தோள்
மணந்துஅருமயிலே அன்னார்
ஒன்றுஒழித்துஒன்றின் ஏக
அரியதோள் ஒழுக்கி னானை-* |
மென்தொழில் -நுட்பமானவேலைப்பாடமைந்த; கலாபம் -
தோகைகளையுடைய; மஞ்ஞை - மயில்; வேட்கை மீக்கூருமேனும் - ஆசை
அதிகரித்தாலும்; குன்று ஒழித்து - ஒருமலையை விட்டு விட்டு; ஒரு
மாக்குன்றின் - ஒரு பெரிய மலையினை; அரிதின் சேர் - வருத்தப்பட்டுச்
சேர்கின்ற; கொள்கை போல் - தன்மை ஒப்ப; அருமயிலே அன்னார் -
சிறந்த மயில் போன்ற மகளிர்; வன்தொழில் - போர்த்தொழிலும் (அதனால்
பெற்ற); கொற்றம் - வெற்றியும் உடைய; பொன்தோள் - அழகிய
தோள்களை; மணந்து - தழுவி; ஒன்று ஒழித்து - ஒரு தோளை
விட்டுவிட்டு;ஒன்றின் ஏக - மற்றொரு தோளின்பக்கம் செல்ல; அரிய -
அருமையாயிருக்கின்ற; தோள் ஒழுக்கினானை - தோள்
வரிசையுடையவனை (இராவணனை).
மென்மை -நுட்பம். தோகையில் அமைந்த வண்ண நுட்பம், வடிவ
நுட்பம். வன்தொழில் - போர். வீரர்களின் தோள்களின் தொழில் 'போர்'
என்க. இராவணனின்ஒருதோள் புணர்ந்த மாதர் பின்னும் ஒரு தோளை
இச்சித்துச் சென்று கூடுகிறது. ஒரு மலையில் உள்ள மயில் வேறு ஒரு
மலைக்குப் பெயர்த்து செல்வது போன்றது (பழையவுரை). (215) |