குலத்தின் வந்து- நல்லகுலத்திலே பிறந்து; இல்லின் மாண்புடை -
இல்லறச் சிறப்பைப்பெற்ற; நங்கையர் மனத்தவம் - பெண்கள் மனத்தால்
செய்யும் தவமானது; நவிலற் பாலதோ - நம்மால் கூறத்தக்க எளிமையானதா.
(இம்மங்கையர்களுக்கு முன்); வெங்கனல் முழுகியும் - கொடிய (ஐந்துவித)
நெருப்பில் குளித்தும்; புலன்கள் வீக்கியும் - (ஓடும்) ஐந்து புலன்களைக்
கட்டியும்; நுங்குவ அருந்துவ - உண்ணும் உணவையும் பருகும் புனலையும்;
நீக்கி - ஒதுக்கிவிட்டு; நோற்பவர் - தவம் செய்பவர்கள்; எங்குளர் -எங்கேஇருக்கிறார்கள்.

    கற்பு மகளிர்க்குமுனிவர்கள் ஒப்பாகார் என்க. எங்கே என்பது ஏற்றத்
தாழ்வை உணர்த்தும் உலகச் சொல் 'அவன் எவரிடத்தான் யார் யார்' என்னும்
ஆழ்வார் பாசுரம் கருதுக (5-1-7) நங்கையர் என்றது பிராட்டியை.      (72)