அம் கயல்கருங்கண் - அழகிய மீன் போன்றகருங்கண்களைப்
பெற்ற; இயக்கியர் - யட்சப் பெண்கள்; துயக்கு இல் - தளர்ச்சி இல்லாத;
அரம்பையர் - தேவ மகளிர்; விஞ்சையர்க்கு அமைந்த - வித்தியாதரர்க்கு
உரிய; நங்கையர் - மகளிர்; நாக மடந்தையர் - நாகலோகக்கன்னியர்கள்;
சித்த நாரியர் - சித்த குலப் பெண்கள்; அரக்கியர் முதலாம் - அரக்கியர்
முதலான; குங்குமம் - கும்குமச் சாந்து அணியப் பெற்றதும்; கொம்மை -
பருத்ததும்; குவி முலை - திரண்டதும் ஆகிய தனங்களையும்; கனிவாய் -
கோவைப்பழம் போன்ற வாயையும்; கோகிலம் துயர்ந்த குதலை - குயில்கள்
வருந்தும் மொழிகளையும் உடைய; மங்கையர் ஈட்டம் - மகளிரின் தொகுதி;
மால்வரைதழீஇய - கருத்த மலையைச் சார்ந்த; மஞ்சை அம் குழுஎன -
அழகியமயில் கூட்டம் போல; வயங்க - விளங்கவும்.

     துயக்கு -தளர்ச்சி. 'துயக்கு அற அறிந்து' (மணிமேகலை 27-19)
கோகிலம் வருத்தம் அடைவதற்கு ஏதுவான மொழி. துயர்ந்த - வருந்த
'ஆறாது துயரும் என் உள்' (அகம் 195)                        (87)