ஆர்கலிஅகழி, அரு வரை, இலங்கை, அடிபெயர்த்து இடுதொறும் அழுந்த, நேர்தரும்பரவைப் பிறழ் திரை, தவழ்ந்து நெடுந்தடந் திசைதொறும் நிமிர, சார்தரும் கடுவின் எயிறுடைப் பகு வாய் அனந்தனும்தலை தடுமாற, மூரி நீர் ஆடைஇரு நில மடந்தை, முதுகு உளுக்குற்றனள் முரல;
ஆர்கலி அகழி -கடலையேஅகழாகப் பெற்ற; அருவரை இலங்கை - திரிகூட மலையில் அமைந்த அரிய இலங்கை; அடிபெயர்த்திடும் தொறும் - (இராவணன்) பாதம் பெயர்த்து வைக்கும் போதெல்லாம்; அழுந்த - கீழே அமிழவும்; நேர்தரும் - இலங்கையைச் சூழ்ந்துள்ள; பரவைப் பிறழ்திரை - கடலில் புரள்கின்ற அலைகள்; தவழ்ந்து - தத்திச் சென்று; நெடும் தடம் திசை தொறும் - நீண்ட பெரிய திக்குகள் தோறும்; நிமிர - கொந்தளிக்கவும்;சார் அரும் - அணுக முடியாத; கடுவின் எயிறுடை - விடப் பற்களையும்;பகுவாய் - பிளந்த வாயையும் (பெற்ற); அனந்தனும் - ஆதிசேடனும்; தலைதடுமாற - நிலைகுலையவும்; மூரி நீர் ஆடை - வலிமை மிக்க கடலை ஆடையாகப் பெற்ற; இரு நில மடந்தை - பெரிய பூமி தேவியானவள்; முதுகு உளுக்குற்றனள் - முதுகு நெளியப் பெற்று; முரல - சுற்றவும்.