எழுவினும் எழில்இலங்கு - கணைய மரத்தினும் அழகு விளங்கும்;
இராமன் தோள்களை - இராமபிரானின் தோள்களை;  தழுவினள் ஆம்
என - அணைத்தவள் ஆவாள் என்று கூறும்படி; தளிர்க்கும் - பூரிக்கின்ற;
சிந்தை - மனம் உடைய பிராட்டி (அனுமனை நோக்கி); இவ் உரு முழுவதும்
காண - இந்த வடிவம் முழுவதையும் பார்ப்பதற்கு; உலகு முற்றிய - உலகம்
முதிர்ச்சி பெற்ற; குழு இலது - கூட்டம் உடையதாக இல்லை (ஆகையால்);
இனி - இப்போது; குறுகுவாய் - ஒடுங்குவாயாக; என்றாள் - என்று
கூறினாள்.

     தளிர்க்கும்மேனியாள் உலகில் குழு இலது குறுகுவாய் என்றாள் என
முடிக்க. முற்றிய - முதிர்ந்த - ஈண்டு முதிர்ச்சி என்றது அறிவின் முதிர்ச்சியை.
அனுமன் பேருரு தனக்குச் சிறைவீடு கிடைக்கும் என்னும் நம்பிக்கை உண்டு
பண்ணுதலின் பிராட்டி பூரித்தாள். எழில் - எழுச்சி. இனி - இப்போது. இனி
நினைந்து இரக்கம் ஆகின்று (புறம்) முற்றிய குழு என்பதற்கு வலிமை மிகுந்த
சாமார்த்தியம் என்று பொருள் கூறுவாரும் உளர்.                 (107)