| 5526. | உறக்கினும்கொல்லும்; உணரினும் கொல்லும்; மால்
விசும்பில்
பறக்கினும்கொல்லும்; படரினும் கொல்லும்; மின்
படைக் கை,
நிறக் கருங்கழல், அரக்கர்கள் நெறிதொறும்
பொறிகள்
பி்றக்க நின்றுஎறி படைகளைத் தடக் கையால்
பியையும். |
உறக்கினும்கொல்லும் - அரக்கர் சோர்வுற்றநிலையிலும் அனுமன்
அவர்களைக் கொல்வான்; உணரினும் கொல்லும் - நல்லுணர்வு பெற்ற
நிலையிலும் அரக்கர்களைக் கொல்வான்; மால் விசும்பில் பறக்கினும்
கொல்லும் - பெரிய ஆகாயத்தில் அரக்கர்கள் பறந்தாலும் அவர்களைக்
கொல்லுவான்; படரினும் கொல்லும் - தரையில் நடந்து சென்றாலும்
அவர்களைக் கொல்வான்; மின் படைக்கை நிறக் கருங் கழல் அரக்கர் -
மின்னலை உண்டாக்கும் படை உடைய கையைப் பெற்ற நிறமுடைய வலிய
வீரக்கழல் அணிந்த அரக்கர்கள்; நெறிதொறும் - வழிகளில் எல்லாம்;
பொறிகள் பி்றக்க - தீப் பொறிகள் தோன்ற; நின்று எறிபடைகளை - நின்றுவீசி எறியும் ஆயுதங்களை; தடக்கையால் பியையும் - அனுமன் தனது
பெரிய கைகளால் பிசைந்து நொறுக்குவான். பிறங்க -தோன்ற; எதுகை நோக்கி வலிந்தது; 'பிறக்க' என ஆயிற்று.
'விளங்க' என்றும் பொருள் கொள்ளலாம். பியைதல் - பிசைதல். (38) |