சேனாதிபதி ஐவர்அழிவினை இராவணனுக்கு அறிவித்தல்

     குரங்கு நம்மைஇன்னே இறுக்குறும் என - (குரங்கினால் விளையும்
அழிவுகளைக் கேள்வியுற்று) 'அந்தக் குரங்கு நம்மை இப்பொழுதே
கொன்றுவிடும்' என்று; ஏங்கி இரங்கி - ஏக்கமுற்று வருந்தி; மறுக்கு
உறுகின்ற நெஞ்சின் மாதரை - கலக்கமுறும் மனத்தோடு நடுங்கிக் கொண்டு,
தன் அருகில் நிற்கின்ற மகளிரை; வைது நோக்கி - (இராவணன்) நிந்தித்துப்
பார்த்துக் கொண்டு; உறுக்கு உறுசொல்லான் - அதட்டும் கடுஞ் சொற்களால்;
ஊழித் தீ என உலகம் ஏழும் சுறு கொள - கற்பாந்த காலத்துத் தோன்றும்
பெருந்தீ என உலகங்கள் ஏழும் தீய்ந்து போம்படி; நோக்குவான் தன் -
பார்த்துக் கொண்டிருப்பவனாகிய இராவணனுடைய; செவித் தொளை -
இருபது காதுகளின் துவாரங்களும்; தீயச் சொன்னார் - தீய்ந்து போம்படி
(கர்ண கடூரமாக பஞ்ச சேனாபதிகள் இறந்த செய்தியைக்)கூறலானார்கள். (66)