5676.

ஆறு-இரண்டு அடுத்த எண்ணின் ஆயிரம் குமரர்,
                           ஆவி
வேறு இலாத்தோழர், வென்றி அரக்கர்தம் வேந்தர்
                           மைந்தர்,
ஏறிய தேரர்,சூழ்ந்தார்-இறுதியின் யாவும் உண்பான்
சீறிய காலத்தீயின் செறி சுடர்ச் சிகைகள் அன்னார்.

     இறுதியின் யாவும்உண்பான் - யுகமுடிவுக் காலத்தில்உலகப்
பொருள்கள் அனைத்தையும் அழிக்கும் பொருட்டு; சீறிய காலத் தீயின் -
பொங்கி எழுந்த ஊழித் தீயின்; செறி சுடர் சிகைகள் அன்னார் - நெருங்கியஒளியை உடைய நெருப்புச் சுடர்க் கொழுந்துகள் போன்றவர்களும்;
ஆவிவேறு இலாத தோழர் -
(அக்ககுமாரன் அன்றி) தமக்கு வேறு உயிர்
இல்லாதநண்பர்களும்; வென்றி அரக்கர்தம் வேந்தர் மைந்தர் -
வெற்றியை உடைய  அரக்கர்  குல அரசர்களின் புதல்வர்களுமாகிய; ஆறு
இரண்டுஅடுத்த எண்ணின் ஆயிரம் குமரர் -
பன்னீராயிரம் குமாரர்கள்;
ஏறியதோர் சூழ்ந்தார் -
தேர்களில் ஏறினவர்களாய் அக்ககுமாரனைச்
சூழ்ந்துகொண்டார்கள்.                                       (9)