அனுமன் இலங்கைநகர் முழுதும் காணுதல் 

     தான் - அந்த அனுமன்தான்;அற்றை அ இரவில் - பிராட்டியைக்
காண ஊர் தேடி வந்த அன்றைத் தினத்து முன்னிரவிலே; தன் அறிவினால்
முழுதும் உன்ன பெற்றிலன்எனினும் - தன் அறிவைக் கொண்டுநகர்ப்
பகுதிகள்முழுவதையும் ஊன்றி அறியப் பெற்றிலனாயினும்; ஆண்டு உள்ளது
ஒன்றுபிழை உறாமே - அந்நகரத்தில் உள்ளஇடம் ஒன்றேனும், தவறாமல்;
கற்றிலா அரக்கர் தாமே காட்டலின் - கற்றறிவில்லா (மூடர்களான) அந்த
அரக்கர்கள்தாங்களே எல்லாவற்றையும் காட்டிக் கொண்டு சென்றதனால்;
மற்று உறுபொறி முன் செல்ல - புறத் துறுப்பாய்ப் பொருந்திய பொறிகள்
(பொருள்களினிடத்து) முன்னே செல்ல; மறைந்து செல் அறிவுமான -
(அவற்றின் பின்னே) மறைவாகச் செல்கின்ற அறிவை ஒப்ப; தெரிய கண்டான்
- நன்றாகப் பார்த்தான்.

     பிராட்டியைத்தேடி, இலங்கை நகரில் அன்றைய இரவில் அலைந்த
போது காணாத இடங்களை எல்லாம் இன்று அரக்கர் செயலால் அனுமன்
கண்டான் என்க. இதற்கு, பொறிகளின் வழி மன அறிவு புலன் வழிச் சென்று
யாவும் அறிதல் உவமையாக்கப்பட்டது.                          (132)