வெள்ளியின்பொன்னின் நானா விளங்கு பல் மணியின் -
வெள்ளியாலும் தங்கத்தாலும், பலவகைப்பட்ட பிரகாசிக்கின்ற அழகிய
இரத்தினங்களாலும்; விஞ்சை தெள்ளிய கடவுள் தச்சன் - சிற்பக்கலையில்
தேர்ந்தவனாகிய தெய்வத் தச்சனான் விசுவகர்மன்; கை முயன்று அரிதின்
செய்த - தன் கைவன்மையால் முயற்சி செய்து அருமையாக அமைத்த; தள்ள
அரு மனைகள் தோறும் - அழித்தற்கு அருமையான மாளிகைகளில்
எல்லாம்; ஒள் எரியோடும் குன்றத்து ஊழி வீழ் உருமொடு ஒத்தான் -
ஒள்ளிய நெருப்புடனே மலையின் மீது கற்பாந்த காலத்தில் விழுகின்ற
பேரிடியைப் போன்றவனாய்; முறை முறை தாவிச் சென்றான் - வரிசையாகத்
தாவித் தாவித் தீயை வைத்துக் கொண்டு செல்வானாயினான்.

     இலங்கை நகரத்துமாளிகைகளுக்கு மலைகளும், தன் வாலின்
நெருப்போடு பாயும் அனுமனுக்கு நெருப்புடன் வீழும் இடியும் உவமைகளாக
வந்தன. கை முயலுதல் - செய்வதறிந்து செய்தல்.                  (137)