புணரியின் புனல்மீன் யாவையும் மீள - கடல் நீரினிடத்துள்ள
மீனினம் யாவையும் இல்லையாகும்படி; மூளும் வெம்புகை - மூண்டெழுந்த
வெவ்விய நெருப்புப் புகை; சுற்று உற முழு நீர் மாளும் வண்ணம்
விழுங்கலின் - சுற்றியுள்ள நீர் முழுவதையும் குடித்துவிட்டமையால்;
தெரிந்தில முகில் கணம் விசைப்ப - இது தெரியாத மேகக் கூட்டங்கள் நீர்
முகக்க விரைந்து செல்வனவாய்; மாமலை நெடும் தலை தொறும் மயங்கி -
பெரிய மலைகளின் உயர்ந்த இடங்களில் எல்லாம் மோதுண்டு; பூனை
வீய்ந்தன்ன போவன - பூளைப் பூ சிதறுவது போல சிதறிப் போயின.

    புகை, கடலில்உள்ள மீனினம் மாயும்படி, நீர் முழுதையும்
குடித்துவிட்டது. வழக்கமாக நீர் முகக்க வரும் மேகங்கள், அது தெரியாமல்
சென்று, மலை உச்சியில் மோதுண்டு சிதறிப் போயின என்பதாம். மீள -
இல்லையாக.                                              (31)