முகப்பு			தொடக்கம்
அறிவர் சிறப்பு

2737.	ஒரு பகல் பூசின் ஓர் ஆண்டு ஒழிவு இன்றி விடாது நாறும் பெரியவர் கேண்மை போலும் பெறற்கு அரும் வாச எண்ணெய் அரிவையர் பூசி ஆடி அகில் புகை ஆவி ஊட்டித் திரு விழை துகிலும் பூணும் திறப்படத் தாங்கினாரே

2738.	நல் தவம் செய்த வீரர் உள வழி நயந்து நாடும் பொற்ற தாமரையினாளின் பூஞ் சிகை முத்தம் மின்னக் கொற்றவன் தொழுது சேர்ந்தார் கொம்பு அனார் வாமன் கோயில் மற்று அவன் மகிழ்ந்து புக்கு மணி முடி துளக்கினானே

2739.	கடி மலர்ப் பிண்டிக் கடவுள் கமலத்து அடி மலர் சூடியவர் உலகில் யாரே அடி மலர் சூடியவர் உலகம் ஏத்த வடி மலர் தூவ வருகின்றார் அன்றே

2740.	முத்து அணிந்த முக் குடைக் கீழ் மூர்த்தி திருவடியைப் பத்திமையால் நாளும் பணிகின்றார் யாரே பத்திமையால் நாளும் பணிவார் பகட்டு எருத்தின் நித்தில வெண் குடைக் கீழ் நீங்காதார் அன்றே

2741.	கருமக் கடல் கடந்த கை வலச் செல்வன் எரி மலர்ச் சேவடியை ஏத்துவார் யாரே எரி மலர்ச் சேவடியை ஏத்துவார் வான் தோய் திரு முத்து அவிர் ஆழிச் செல்வரே அன்றே

2742.	வண்ண மா மலர் மாலை வாய்ந்தன சுண்ணம் குங்குமம் தூமத்தால் புனைந்து அண்ணல் சேவடி அருச்சித்தான் அரோ விண் இல் இன்பமே விழைந்த வேட்கையான்