முகப்பு			தொடக்கம்
பெறுதற்கு அருமை

2749.	பரவை வெண் திரை வட கடல் படுநுகத் துளையுள் திரை செய் தென் கடல் இட்டது ஓர் நோன் கழி சிவணி அரச அத்துளை அக வயின் செறிந்து என அரிதால் பெரிய யோனிகள் பிழைத்து இவண் மானிடம் பெறலே

2750.	விண்டு வேய் நரல் ஊன் விளை கானவர் இடனும் கொண்டு கூர்ம் பனி குலைத்திடும் நிலைக்களக் குறும்பும் உண்டு நீர் என உரையினும் அரியன ஒருவி மண்டு தீம் புனல் வளம் கெழு நாடு எய்தல் அரிதே

2751.	வில்லின் மாக் கொன்று வெள் நிணத் தடி விளிம்பு அடுத்த பல்லினார்களும் படுகடல் பரதவர் முதலா எல்லை நீங்கிய இழி தொழில் இழி குலம் ஒருவி நல்ல தொல் குலம் பெறுதலும் நரபதி அரிதே

2752.	கருவி மா மழை கனை பெயல் பொழிந்து என வழிநாள் அருவி போல் தொடர்ந்து அறாதன அரும் பிணி அழலுள் கருவில் காய்த்திய கட்டளைப் படிமையில் பிழையாது உருவின் மிக்கது ஓர் உடம்பது பெறுதலும் அரிதே

2753.	காமன் அன்னது ஓர் கழிவனப்பு அறிவொடு பெறினும் நாம நால் கதி நவைதரு நெறி பல ஒருவி வாமன் நூல் நெறி வழு அறத் தழுவினர் ஒழுகல் ஏம வெண் குடை இறைவ மற்று யாவதும் அரிதே