முகப்பு தொடக்கம்
விலங்கு கதித் துன்பம்
 
2777.
  • எரி நீரவே நரகம் அந் நரகத் துன்பத்து
  • ஒரு நீரவே விலங்கு தாம் உடைய துன்பம்
  • பெரு நீர வாள் தடம் கண் பெண் அணங்கு பூந்தார்
  • அருநீர வேந்து அடர்த்த அச்சு அணங்கு வேலோய்
   
2778.
  • கழை பொதிர்ப்பத் தேன் சொரிந்து காய்த் தினைகள் ஆர்த்தும்
  • மழை தவமும் குன்றில் வயமா முழங்க
  • உழை அளிய தாம் உறூஉம் துன்பங்கள் நின் மேல்
  • விழைவு அயரா வேந்து உறூஉம் துன்பமே கண்டாய்
   
2779.
  • நிணம் பிலிற்றும் வாயர் நெருப்பு இமைக்கும் கண்ணர்
  • குணன் நஞ்சர் கூற்று அனைய கோள் நாய் மடுப்பக்
  • கண மஞ்ஞை அஞ்சிக் கழுத்து ஒளிப்ப கண்டாய்
  • மணம் மல்கு பூந்தார் மழை தழீஇய கையாய்
   
2780.
  • மண் ஆர மஞ்சள் உரிஞ்சி மலர் சூட்டிக்
  • கண் ஆர் மறி அறுத்துக் கையால் உதிரம் தூய்
  • உண்ணீரே தேவீர் உவந்து என்பது இவ் உலகம்
  • நண்ணார்க் கடந்தோய் நமன் உலகின் நால் மடங்கே
   
2781.
  • மங்கை மனா அனைய மென் சூல் மட உடும்பு
  • செங் கண் வரி வரால் செந் நீர் இள வாளை
  • வெம் கருனை புல்லுதற்கு வேறு வேறாக் குறைப்ப
  • அங்காந்து அழுகின்றது ஆர் கண்ணே நோக்குமே
   
2782.
  • கடல் அரணம் ஆகாது காடு அரணம் ஆகா
  • குடல் அரணம் ஆகாது குன்று அரணம் ஆகா
  • அடுதுயரம் ஊர்ந்து அலைப்ப ஆங்கு அரணம் காணாப்
  • படு துயரத்தாலே பதைத்து அளிய வேமே
   
2783.
  • முழுப் பதகர் தாள் துரந்து முள் தாற்றில் குத்தி
  • உழப்பு எருது பொன்றப் புடைத்து உழுது விட்டால்
  • கழித்து உண்ணும் காக்கை கடிவோரும் இன்றிப்
  • புழுச் சொரியத் துன்பம் பொறுக்கலா பொன்றும்
   
2784.
  • நிரம்பாத நீர் யாற்று இடுமணலுள் ஆழ்ந்து
  • பெரும் பார ஆடவர் போல் பெய் பண்டம் தாங்கி
  • மருங்கு ஒற்றி மூக்கு ஊன்றித் தாள் தவழ்ந்து வாங்கி
  • உரம் கெட்டு உறுப்பு அழுகிப் புல் உண்ணா பொன்றும்
   
2785.
  • போழ் மதி போல் கூர் இரும்பின் பூ நுதல்கள் போழ்ந்திடவும்
  • காழ் நுதியின் குத்துண்டும் கார் மழை போல் நின்று அதிர்ந்தும்
  • வீழ் பிடிகள் சிந்தித்தும் வெம் நோய் தம் உள் சுட வெந்து
  • ஆழ்த்த கந்து இளக யானை அலம் வருமே
   
2786.
  • எரி வளைப்ப வெம்புகை உண்டு இன் உயிர் விட்டு ஏகும்
  • அரி வளைப்பக் குஞ்சரமும் ஆலி போல் நீராம்
  • வரி வளைக்கும் வெண் மயிர்க்கும் முத்திற்கும் மாந்தர்
  • திரு வளைத்த மார்ப செகுத்திடுவர் தேங்கார்
   
2787.
  • வேள்வி வாய்க் கண்படுத்தும் வெவ் வினை செய் ஆடவர் கை
  • வாளின் வாய்க் கண் படுத்தும் வாரணத்தின் ஈர் உரி போல்
  • கோள் இமிழ்ப்பு நீள் வலை வாய்க் கண்படுத்தும் இன்னணமே
  • நாள் உலப்பித்திட்டார் நமர் அலாதார் எல்லாம்
   
2788.
  • கொல்வாரும் கூட்டுள் செறிப்பாரும் ஆடவர்கள்
  • அல்லாரும் நாய் வேட்டம் ஆடாத மாத்திரையே
  • அல்லாத பைங் கிளியும் பூவையும் ஆதியா
  • எல்லாம் கிளை பிரித்திட்டு ஏம் உறு நோய் செய்பவே
   
2789.
  • மல்லல் மலை அனைய மாதவரை வைது உரைக்கும்
  • பல்லவரே அன்றிப் பகுத்து உணாப் பாவிகளும்
  • அல்குல் விலை பகரும் ஆய் தொடியர் ஆதியார்
  • வில் பொரு தோள் மன்னா விலங்காய்ப் பிறப்பவே