முகப்பு தொடக்கம்
சீலம்
 
2818.
  • ஏத்த அருந் திருமணி இலங்கு நீர்மைய
  • கோத்தன போல் குணம் நூற்றுக் கோடியும்
  • காத்தன காவல பதின் எண் ஆயிரம்
  • பாத்தன பண்ணவர் சீலம் என்பவே
   
2819.
  • மொய் அமர் ஞாட்பினுள் முரண் கொள் மன்னவர்
  • மெய்புகு பொன் அணி கவசம் ஒப்பன
  • மையல் ஐம் பொறி மதம் வாட்டி வைகலும்
  • செய்வினை நுணுக்குவ சீலம் என்பவே
   
2820.
  • மணித் துணர் அனைய தம் குஞ்சி வண் கையால்
  • பணித்தனர் பறித்தலின் பரவை மா நிலம்
  • துணித்து ஒரு துணி சுமந்து அனைய திண் பொறை
  • அணித்தகு முடியினாய் ஆதி ஆகவே
   
2821.
  • பெரிய வாள் தடம் கண் செவ்வாய்ப்
  • பிறர் மனை பிழைக்கும் மாந்தர்
  • மரீஇ அவாய்ப் புறம் சொல் கூர்
  • முள் மத்திகைப் புடையும் அன்றி
  • ஒருவர் வாய் உமிழப் பட்ட
  • தம்பலம் ஒருவர் வாய்க் கொண்டு
  • அரியவை செய்ப வையத்து
  • ஆண் பிறந்தார்கள் அன்றே
   
2822.
  • ஒழுக்கமே அன்றித் தங்கள் உள் உணர்வு அழிக்கும் மட்டும்
  • புழுப் பயில் தேனும் அன்றிப் பிறவற்றின் புண்ணும் மாந்தி
  • விழுப் பயன் இழக்கும் மாந்தர் வெறு விலங்கு என்று மிக்கார்
  • பழித்தன ஒழித்தல் சீலம் பார்மிசை அவர்கட்கு என்றான்