முகப்பு			தொடக்கம்
தானம்

2823.	நல் நிலத்து இட்ட வித்தின் நயம் வர விளைந்து செல்வம் பின் நிலம் பெருக ஈனும் பெறல் அருங் கொடையும் பேசின் புன் நிலத்து இட்ட வித்தின் புற்கு என விளைந்து போகம் மின் எனத் துறக்கும் தானத்து இயற்கையும் விரித்தும் அன்றே

2824.	ஐவகைப் பொறியும் வாட்டி யாமையின் அடங்கி ஐந்தின் மெய் வகை தெரியும் சிந்தை விளக்கு நின்று எரிய விட்டுப் பொய் கொலை களவு காமம் அவா இருள் புகாது போற்றிச் செய்தவம் நுனித்த சீலக் கனை கதிர்த் திங்கள் ஒப்பார்

2825.	வாய்ச்சி வாய் உறுத்தி மாந்தர் மயிர் தொறும் செத்தினாலும் பூச்சுறு சாந்தம் ஏந்திப் புகழ்ந்து அடி பணிந்த போதும் தூக்கி இவ் இரண்டும் நோக்கித் தொல் வினை என்று தேறி நாச் செறு பராவு கொள்ளார் நமர் பிறர் என்றும் உள்ளார்

2826.	பால் கதிர்த் திங்கள் கொட்பின் பருமித்த களிறு போல நூல் கதி கொண்டு கண்ணால் நுகத்து அளவு எல்லை நோக்கி மேல் கதிக்கு ஏணி ஆய விழுத்தவர் மனையில் வந்தால் காற்கு ஒசி கொம்பு போலக் கை தொழுது இறைஞ்சி மாதோ

2827.	தொடிக் கையால் தொழுது வாழ்த்தித் தூமணி நிலத்துள் ஏற்றிப் பொடிப் புனை துகிலின் நீக்கிப் புகழ்ந்து அடி கழீஇய பின்றை அடுத்த சாந்து அகிலின் ஆவி ஆய் மலர் அருச்சித்து ஆனார் கொடுப்பர் நால் அமிர்தம் மூன்றின் குணம் புரிந்து அடங்கினார்க்கே

2828.	ஒன்பது வகையின் ஓதிற்று உத்தமர்க்கு ஆகும் ஆர்ந்த இன்பதம் அருளி ஈதல் இடை என மொழிப யார்க்கும் துன்பு உற விலங்கு கொன்று சொரிந்து சோறு ஊட்டினார்க்கும் நன் பொருள் வழங்கினார்க்கும் பயன் நமக்கு அறியல் ஆகா