முகப்பு			தொடக்கம்
பெரிய யாத்திரை

2995.	இலம் பெரிது என இரந்தவர்கட்கு ஏந்திய கலம் சொரி காவலன் கடகக் கை இணை புலம் புரிந்து உயர்ந்தன இரண்டு பொன் நிற வலம்புரி மணி சொரிகின்ற போன்றவே

2996.	என்பு அரிந்து எரிதலைக் கொள்ள ஈண்டிய அன்பு அரிந்து இடுகலா உலகம் ஆர்க என மின் சொரி வெண் கலம் வீசும் வண் கைகள் பொன் சொரி தாமரைப் போது போன்றவே

2997.	பூந் துகில் புனை கலம் மாலை பூசு சாந்து ஆய்ந்து உலகு உண உவந்து அருளி மாமணி காந்திய கற்பகக் கானம் ஆயினான் ஏந்திய மணி முடி இறைவன் என்பவே

2998.	தேய் பிறை உருவக் கேணித் தேறு நீர் மலர்ந்த தேனார் ஆய் நிறக் குவளை அஞ்சிக் குறுவிழிக் கொள்ளும் வாள் கண் வேய் நிறை அழித்த மென் தோள் விசயையைத் தொழுது வாழ்த்திச் சேய் நிறச் சிவிகை சேர்ந்தான் தேவர் கொண்டு ஏகினாரே