தயரதன் மகிழ்ந்து, தன் அரண்மனைக்குப் போதல்

     குருசில் சிந்தையை - இராமனது மனக் கருத்தை;  மனம் கொண்ட
கொற்ற வெண்குடையான்- உட்கொண்ட வெற்றி பொருந்திய
வெண்குடையை யுடையவனாகிய தயரதன்;  ‘இவ் வரம் தருதி -இந்த
வரத்தைத் தருவாய்;’ எனச் சொலி - என்று சொல்லி; உயிர் உறத்தழுவி-
அவனைத் தன் உயிரோடு பொருந்தும்படி  இறுக அணைத்துக் கொண்டு;
சுருதி அன்ன - வேதத்தையொத்த; தன் மந்திரச் சுற்றமும் சுற்ற -
தன்னுடைய அமைச்சர்களின் கூட்டமும் தன்னைக்சூழ்ந்துவர;  பொரு இல்
மேருவும் - ஒப்பு அற்ற மேரு மலையும்;  பொரு அருங் கோயில்-
ஒப்பாவதற்கு அரிய தன் அரண்மனையில்;  போய்ப் புக்கான் - போய்ச்
சேர்ந்தான்.

     நன்மை தீமைகளை ஆராய்ந்து  அரசனுக்குச் சொல்லி  நீதி வழி
நிறுத்துதல்  பற்றி அமைச்சர்களுக்குச்சுருதியை உவமையாகக் கூறினார்.
மேருவும் - உம்மை.  உயர்வு சிறப்பு.                            70