| 1520. | ‘கொள்ளான் நின் சேய் இவ் அரசு;
அன்னான் கொண்டாலும்,
நள்ளாது இந்த நானிலம்;
ஞாலம்தனில் என்றும்
உள்ளார் எல்லாம்ஒத
உவக்கும் புகழ் கொள்ளாய்;
எள்ளா நிற்கும் வன் வழி கொண்டு
என் பயன்?’ என்றான். |
‘இவ் அரசு நின் சேய் கொள்ளான் - இந்த அரசாட்சியை நினக்கு
மகனாகிய பரதன்ஏற்றுக்கொள்ள மாட்டான்; அன்னான் கொண்டாலும் -
(ஒருகால்) அவன் ஏற்றுக்கொண்டாலும்;இந்த நானிலம் நள்ளாது -
இவ்வுலகம் அதனை விரும்பாது; ஞாலம்தனில் உள்ளார் எல்லாம்-
உலகில் உள்ள எல்லோரும்; என்றும் ஓத உவக்கும் - எந்நாளும்
புகழ்வதைவிரும்பும்; புகழ் கொள்ளாய் - கீர்த்தியைப் பெறமாட்டாய்;
எள்ளா நிற்கும்வன்பழி கொண்டு - என்றும் எல்லோரும் இகழ்தற்குரிய
வலிய பழியை ஏற்பதனால்; பயன்என் - பயன் யாது?;’ என்றான் -. தயரதன் பரதன் பண்புகள் அறிந்தவனாதலின் அவன் அரசாட்சியைக்
கொள்ளான் என்றான்.கொண்டாலும் - உம்மை கொள்ளுதலின் அருமை
சுட்டியது. நானிலம் - ஆகுபெயராய் மக்களை உணர்த்திற்று.என்றும்
என்பதனைப் பழியோடும் கூட்டி உரைக்க. 30 |