அரசர்கள் வருதல்  

     அரச வெள்ளம் - அரசர்களின் பெருந்திரள்; குமிழ் முலைச் சீதை
கொண்கன் -குவிந்த நகில்களையுடைய சீதைக்குக் கணவனாகிய
இராமபிரான்;  கோமுடி புனைதல் காண்பான்- அரசுக்குரிய மகுடம்
சூட்டிக்கொள்ளுவதைக் காண்பதற்கு;  உமிழ்வது  ஒத்து  உதவுகாதல்
உந்திட - (உள்ளே நிறைந்து) புறம்பே வெளிப்படுவது  போன்று மிகுகின்ற
விருப்பம்தம்மைத்தூண்ட;  அமிழ்து  உணக் குழுமுகின்ற அமரரின் -
அமுதத்தை உண்பதற்கு ஆவலோடுதிரண்ட தேவர்களைப் போல;
இமிழ்திரைப் பரவை ஞாலம் - ஒலிக்கும் அலைகளையுடையகடலால்
சூழப்பட்ட உலகம்;   எங்கணும்  வறுமை  கூர - எல்லா இடத்தும்
வெறுமையடையும்படி;வந்தது - வந்து கூடிற்று;

     அரசர் கூட்டத்திற்குத் தேவர் கூட்டத்தை  உவமை கூறினார்.
உவமை அணி.  பரவை - பரவிஇருப்பது;  ஐ - வினைமுதல் விகுதி.
அன்று,  ஏ - அசைகள்.                                       71