அரண்மனையில் இராமன் அரசனைக் காணாமை  

     ஆங்கு வந்து அடைந்த அண்ணல் - தயரதனின் அரண்மனைக்கு
வந்து சேர்ந்தஇராமபிரான்;  ஆசையின் கவரி வீச - திசைகள் தோறும்
சாமரைகள் வீச;  பூங் குழல்மகளிர் உள்ளம் - பூவை அணிந்துள்ள
குழலையுடைய மங்கையர் மனம்;  புதுக் களி ஆட - புதிய மகிழ்ச்சியால்
ஆடவும்;  வீங்கு  இருங் காதல் காட்டி -  மிகுந்த விருப்பத்தை
(தன்வருகையில்) காட்டி;  ஓங்கிய மகுடம் சூடி - சிறந்த கிரீடத்தை
அணிந்த;  அரசன் - தயரதன்; விரி அரி சுமந்த பீடத்து - விசாலமான
சிங்கம் தாங்கும்ஆசனத்தில்;  உவகை வீற்றிருப்பக் காணான் -
மகிழ்வுடன் வீற்றிருக்கவும்கண்டானில்லை.

     மகளிர் உவகையால் ஆடுதலையும் தயரதன் காதல் காட்டி
வீற்றிருத்தலையும் இராமன்காணவில்லை அரண்மனை பொலிவின்றி
இருந்தது.  என்றவாறு.  ஆசை - திசை.  வீற்றிருத்தல் -மற்றொருவர்க்கு
இல்லாத சிறப்போடு விளங்கித் தோன்றுதல்.                       104