அப் படையின் ஈட்டம் -அந்தச் சேனைத் தொகுதி; மத்தளம்
முதலிய வயங்கு பல்இயம் - மத்தளம் முதலாகிய விளங்குகின்ற பல
வாத்தியங்கள்;  உரை இலாமையின் ஒத்தனசேறலின் - ஒலிக்காமல்
பொருந்திச் செல்கின்ற படியால் (ஒலியவிந்த படைச்செலவு); நெடுஞ் சுவர்-
நீண்ட சுவரில்;  சித்திரம் தீட்டிய - சித்திரமாக வரைந்த;  சேனைப்
பத்தியை நிகர்த்தது - சேனை வரிசையை ஒத்துள்ளது.

     சேனை வரிசைப் படம் ஒன்று சுவரில் தீட்டப்பெற்றாற்போல
ஒலியவிந்த படைவரிசை செல்வதுஉள்ளது என்றார். ஒலிக்காமல்
இசைக்கருவிகளைச் சேனை சுமந்து  செல்வானேன் என்னில்,  இராமனை
அழைத்து  வரும்போது  இசைத்தற்கு வேண்டுதலின் இப்போது  உடன்
கொண்டு சென்றார்என்க.                                      49